Programas
Compostela capital de compras
A concellaría de Promoción Económica e Comercio organiza o programa Volta ao cole, co obxectivo de dinamizar e promocionar as compras nos comercios de Santiago de Compostela.
A Concellaría de Promoción Económica, Emprego, Comercio e Turismo promove desde o ano 2004 o Concurso Municipal de Escaparatismo SCQ Shopping. Dirixido a todos os comercios de Santiago de Compostela, ten como obxectivo contribuír á dinamización e mellora dos estabelecementos en activo, incentivando a súa capacidade creativa e a súa imaxe.
Compostela traballa
120 persoas, divididas en dúas quendas de 60, participan no programa de inserción laboral Proxecto Persoa IV. Neste momento estase desenvolvendo a segunda quenda. Na primeira, que rematou a finais de 2009, acadouse unha porcentaxe de inserción laboral do 45%.
Invest Compostela
O programa de fomento da cultura emprendendora Compostela Activa enmárcase no SAE, o Servizo de Apoio á Empresa . Ten como obxectivo axudar a aquelas persoas que queiran desenvolver un novo proxecto empresarial no Concello de Santiago.
Compostela traballa
A través deste programa de formación e inserción laboral impartiranse, este ano, os cursos de Electricista de edificios, Fontanaría e Instalador/a de gas.
Compostela traballa
O programa Equipo de obras e emprego Urbana Santiago Norte ten como obxectivo facilitar a inserción laboral de 45 persoas desempregadas.
Invest Compostela
A Concellaría de Promoción Económica, Emprego, Comercio e Turismo puxo en marcha a Rede de Cooperación Local (RCL) no ano 2004 como instrumento de fomento e creación de riqueza, co obxectivo de favorecer a competitividade e a innovación do tecido industrial de Compostela a través da colaboración entre o mundo empresarial, as institucións e a Universidade de Santiago.
Compostela capital de compras
O Plan de mellora para os comercios en activo ten como obxectivo axudar aos comercios de Santiago de Compostela no proceso de innovación, modernización, xestión e promoción coa finalidade de incrementar aínda máis a súa competitividade.
Compostela traballa
50 das 100 persoas que participaron no programa de inserción laboral Proxecto Crear VI accederon ao mercado laboral. Esta cifra representa o 50% do total.
Compostela traballa
Este proxecto forma parte do programa europeo Leonardo da Vinci. O seu obxectivo é establecer un protocolo común a nivel comunitario para acreditar profesionalmente ao/á coidador/a familiar e favorecer así a súa inserción laboral.
Invest Compostela
O proxecto Women, Enterprise, Employment in Local Development (Muller, Empresa e Emprego no Desenvolvemento Local) enmárcase no proxecto URBACT II, e ten por principal obxectivo o de estudar propostas para mellorar a situación das mulleres no mercado local de emprego, na economía cognitiva e na actividade emprendedora. Estas propostas estúdanse a través dos Grupos de Acción Local constituídos en cada unha das cidades participantes.
Invest Compostela
Santiago de Compostela é unha cidade moderna e competitiva, con interesantes potencialidades en materia económica. A Concellaría de Promoción Económica e Emprego traballa para difundir eses atractivos e atraer así capital foráneo. Faino a través do programa Compostela para investir, que ten un dobre obxectivo: promocionar as empresas de Compostela no exterior e atraer a novos investidores ao noso Concello.
Invest Compostela
A Concellaría de Promoción Económica traballa para dar solución ás necesidades de solo industrial das empresas localizadas en Santiago de Compostela. É fundamental para o Concello que poidan medrar aquí evitando a súa deslocalización e a perda de empregos que suporía. Ao mesmo tempo, tamén é importante dispor dunha bolsa de solo empresarial para favorecer a implantación de empresas foráneas que xeren novos postos de traballo.
